கேரளாவில் மாயமான 3 பள்ளி மாணவிகளில் இருவர் தண்டவாளத்தில் பிணங்களாக கண்டெடுக்கப்பட்டுள்ளார். மற்றொரு மாணவி ஆபத்தான நிலையில் மருத்துவமனையில் சிகிச்சை பெற்றுவருகிறார்.
கேரளாவின் பாத்நாம்திதா மாவட்டத்தில் உள்ள கோன்னியை சேர்ந்த மூன்று மாணவிகள் கடந்த பத்தாம் தேதி வழக்கம்போல் பள்ளி முடிந்து வீடு திரும்பவில்லை. இதனால் இவர்கள் காணாமல் போனதாக உள்ளூர் போலீஸ் நிலையத்தில் புகார் பதிவு செய்யப்பட்டிருந்தது. இது தொடர்பாக, வழக்குப்பதிவு செய்யப்பட்டு போலீசார் தேடிவந்தனர்
இந்நிலையில் ஒட்டாபுலம் அருகே மாங்காரா-லாக்கிடி ரெயில் நிலையங்களுக்கு இடையிலான தண்டவாளத்தின் மீது காணாமல் போன மாணவிகள் அதிரா மற்றும் ராஜி ஆகியோர் இன்று காலை பிணமாக கிடந்ததாக போலீசார் தெரிவித்துள்ளனர்.
மற்றொரு மாணவியான ஆர்யா தலை மற்றும் உடலின் பல பகுதிகளில் காயம் அடைந்த நிலையில் மருத்துவமனையில் தீவிர சிகிச்சை பெற்று வருகிறார்.
இறந்த இரு மாணவிகளின் பிரேதங்களை பரிசோதனைக்கு அனுப்பி வைத்த போலீசார், இதுதொடர்பாக வழக்குப்பதிவு செய்து அப்பகுதியில் தீவிர விசாரணை நடத்தி வருகின்றனர்.
