சிலிண்டர் கொள்ளையன்:சாலிகிராமத்தில் பீதி

விருகம்பாக்கம்:சாலிகிராமத்தில், 'காஸ்' சிலிண்டர்களை மட்டும் திருடும் மர்ம கொள்ளையன் யார் என, விருகம்பாக்கம் போலீசார் விசாரிக்கின்றனர்.
சாலிகிராமம், பெரியார் தெருவைச் சேர்ந்தவர் ஜெயவர்மன், 32. உதவி இயக்குனர். அவருடன் நண்பர்கள், ஐந்து பேர் வசிக்கின்றனர்.

 

நேற்று முன்தினம் வழக்கம்போல், வீட்டை பூட்டிவிட்டு, சாவியை ஜன்னலோரம் வைத்து சென்றனர். மாலை பணி முடிந்து, வீட்டிற்கு வந்த போது, வீட்டில் இருந்த இரண்டு 'காஸ்' சிலிண்டர்களை மட்டும் காணவில்லை.

மேலும், அங்கேயே இருந்த கணினி, மடிக்கணினி, ஏர்கூலர் மற்றும் அலைபேசி உள்ளிட்ட விலை உயர்ந்த பொருட்களை திருடாமல், 'காஸ்' சிலிண்டர்களை மட்டும் திருடி சென்றுள்ளனர். இதுகுறித்து, விருகம்பாக்கம் போலீசார் வழக்கு பதிவு செய்து விசாரிக்கின்றனர்.