விஜய் நடித்துள்ள புலி திரைப்படத்துக்கான டிக்கெட் புக்கிங் பரபரப்பாக நடந்து வரும் நிலையில் படம் குறித்த மேலும் சில தகவல்கள் உங்கள் கவனத்துக்கு.
இந்தப் படத்துக்கு அனைவரும் பார்க்கத் தகுந்த யு சான்று வழங்கியுள்ளதை ஏற்கெனவே தெரிவித்திருந்தோம். இப்போது படத்தின் நீளம். மொத்தம் 2 மணி 34 நிமிடம் 5 நொடிகள் நீளம் கொண்ட படம் இது.
இதில் பாடல்கள் மட்டுமே கிட்டத்தட்ட 28 நிமிடங்கள், ஒரு ப்ரமோ பாடல் உள்பட. தேவிஸ்ரீபிரசாத் இசையமைக்க, அனைத்துப் பாடல்களையும் வைரமுத்து எழுதியுள்ளார். படத்தின் மொத்த பட்ஜெட் ரூ 118 கோடி என்று அறிவித்துள்ளனர் (விஜய் சம்பளம் உள்பட).
படத்தை விஜய்யின் மேனேஜர் மற்றும் பிஆர்ஓ பிடி செல்வகுமாரும் கேரளாவைச் சேர்ந்த ஷிபு தமீன்ஸும் தயாரித்துள்ளனர். முதல் முறையாக இந்தியா முழுவதும் பெரிய அளவில் வெளியாகும் விஜய் படம் இதுதான். குறிப்பாக வட இந்தியாவில்!
