பாகுபலி படத்திற்கு பிறகு பிஸியான நடிகையாக மாறிவிட்டார் நடிகை தமன்னா. தற்போது அவர் தமிழ், தெலுங்கில் தயாராகும் ‘தோழா’, பாகுபலி 2 ஆகிய படங்களில் நடித்து வருகிறார்.
என்னதான் தமன்னா தமிழிலும், தெலுங்கிலும் பிஸியான நடிகையாக வலம் வந்தாலும், இந்தியில் ஒரு ரவுண்ட வரவேண்டும் என்பதுதான் அவருடைய ஆசை. அதனால் இந்தியிலும் கவனம் செலுத்தி வருகிறார் தமன்னா. இந்த நிலையில் அவர் பாலிவுட் சூப்பர் ஸ்டார் ஷாருக்கானுடன் நடிக்க இருப்பதாக தகவல்கள் வெளியாகியுள்ளது.
சிறு வயதில் இருந்தே தமன்னா ஷாருக்கானின் தீவிர ரசிகை. ஷாருக்கானுடன் ஒரு காட்சியில் நடிக்க முடியுமா என்று கனவு காணும் நடிகைகள் பலர். ஆனால் தமன்னாவுக்கு அவருடன் ஜோடி சேர்ந்து நடிக்கும் வாய்ப்பு கிடைத்திருக்கிறது.
பிரபல விளம்பர நிறுவனம் தயாரிக்கும் விளம்பரம் ஒன்றில் ஷாருக்கானுடன் தமன்னா ஜோடி சேர்ந்து நடிக்கிறார். எத்தனையோ பிரபல இந்தி நடிகைகள் இருக்கும் போது, தமன்னாவை விளம்பர படத்தில் ஷாருக்கானின் ஜோடியாக நடிக்க வைத்திருப்பது மற்ற நடிகைகளுக்கு அதிர்ச்சி அளித்துள்ளது.
