இயக்குநர் வெற்றி மாறனின் விசாரணை பிப்ரவரி 4-ம் தேதி வெளியாகும் என அறிவிக்கப் பட்டுள்ளது. தனுஷின் வுண்டர்பார் ஃபிலிம் மற்றும் வெற்றி மாறனின் கிராஸ் ரூட் பிலிம் நிறுவனம் இணைந்து தயாரித்துள்ள படம் விசாரணை.
கோவையைச் சேர்ந்த ஆட்டோ ஓட்டுநர் சந்திரகுமார் எழுதிய ‘லாக் அப்’ என்ற நாவலின் தழுவலாக இது உருவாகி யுள்ளது.
வெற்றிமாறன் இயக்கத்தில் உருவாகியுள்ள இந்தப் படத்தில் ஆனந்தி, சரவணா சுப்பையா, கிஷோர், முருகதாஸ், முத்துகுமார், சந்திரன், அஜய் கோஷல் ஆகியோர் நடித்துள்ளளார்கள்.
72-ஆவது வெனீஸ் திரைப்பட விழாவில் திரையிடும் பிரிவில் கலந்து கொண்ட இந்தப் படம், விருதுக்கான போட்டி பிரிவுக்குத் தேர்வு செய்யப்பட்டது.
அத்துடன், மனித உரிமைகள் பற்றிய சினிமா பிரிவில் விருதுக்கான படமாக அறிவிக்கப் பட்டது.
படம் பார்த்த பலரும் தங்களைக் கருத்துகளைத் தெரிவித்து எதிர்பார்ப்பை உண்டு பண்ணிய நிலையில், படத்தின் வெளியீட்டுத் தேதி அறிவிக்கப் பட்டுள்ளது.
தணிக்கையில் யூ/ஏ சான்றிதழ் பெற்ற இப்படம், முதலில் ஜனவரி 29-ம் தேதி வெளியாகும் என அறிவிக்கப் பட்டது. ஆனால் அன்றைய தினம்,இறுதிச் சுற்று மற்றும் அரண்மனை 2 என இரு படங்கள் வெளியாக உள்ளன.
எனவே தற்போது விசாரணை, பிப்ரவரி 4-ம் தேதி வெளியாகும் என அறிவிக்கப் பட்டுள்ளது.
