பிரித்தானியாவில் பிச்சைக்காரர் ஒருவர் ஆடி காரில் வந்து பிச்சை எடுத்து செல்லும் வீடியோ வெளியாகி பரபரப்பை ஏற்படுத்தியுள்ளது. பிரித்தானியாவை சேர்ந்தவர் மாத்யூ பிரிண்டொன்.
கார்ன்வாலில் உள்ள நியூகுவே பகுதியில் பல ஆண்டுகளாக பிச்சை எடுத்து வருகிறார்.
தினமும் தனது வளர்ப்பு நாய் ஹசில்லுடன் வரும் இவர் அங்குள்ள சாலைகளில் பிச்சை எடுப்பதை தொழிலாக கொண்டுள்ளார்.
இந்நிலையில் பிச்சை எடுத்து விட்டு விலையுயர்ந்த ஆடி காரில் அவர் புறப்பட்டு செல்லும் வீடியோ சமீபத்தில் சமூக வலைத்தளத்தில் வெளியாகியுள்ளது.
இதனால் அவருக்கு பிச்சையளித்தவர்கள் அதிர்ச்சியடைந்துள்ளனர். மேலும், அவருக்கு உணவு மற்றும் பணம் அளித்துள்ளது பெரும் ஏமாற்றமாக உள்ளது என்று தெரிவித்துள்ளனர்.
இதற்கிடையே இந்த வீடியோ வெளியானதால் தனது உயிருக்கு பெரும் ஆபத்து ஏற்பட்டுள்ளது என்று மாத்யூ தெரிவித்துள்ளார்.
இது தொடர்பாக அவர் கூறியதாவது, சமூக வலைத்தளத்தில் வெளியாகியுள்ள வீடியோவை நான் பார்க்கவில்லை. இந்த கார் எனது பாட்டி எனக்கு அன்பளிப்பாக கொடுத்தது.
தற்போது அந்த கார் என்னிடம் இல்லை. தொலைந்து போய் விட்டது. இந்த வீடியோ வெளியானதில் இருந்து எனது உயிருக்கு ஆபத்து ஏற்பட்டுள்ளதாக பொலிசார் தெரிவித்துள்ளனர்.
மேலும், எனக்கு பணம் அளிப்பவர்களின் எண்ணிக்கையும் குறைந்து விட்டது என்று தெரிவித்துள்ளார்.
இது தொடர்பான நியூகுவே பகுதி பொலிசார் கூறுகையில், மாத்யூ ஒரு காலத்தில் வசதியாக இருந்திருக்கலாம்.
எனினும் அவரது பரம்பரை சொத்துகளை அவர் செலவித்தி ருக்கலாம். தற்போது அவர் பணம் இல்லாமல் சாலையில் பிச்சை யெடுத்து வருகிறார்.
இந்த வீடியோ வெளியானதில் இருந்து அவரது உயிருக்கு ஆபத்து ஏற்பட்டுள்ளது. எனவே எச்சரிக்கையாக இருக்கும்படி அவரிடம் தெரிவித் துள்ளோம் என்று கூறியுள்ளனர்.
இந்த வீடியோ வெளியானதில் இருந்து அவரது உயிருக்கு ஆபத்து ஏற்பட்டுள்ளது. எனவே எச்சரிக்கையாக இருக்கும்படி அவரிடம் தெரிவித் துள்ளோம் என்று கூறியுள்ளனர்.
Tags:
