நட்சத்திர கிரிக்கெட் போட்டி விருந்தில் தான் அஜித்தின் பாடலை நிறுத்தச் சொல்லவில்லை என்று விஷால் தெரிவித்திருக்கிறார். தென்னிந்திய நடிகர் சங்க கட்டிட நிதிக்காக சென்னையில் நட்சத்திர கிரிக்கெட் போட்டி நடைபெற்றது.
அந்த கிரிக்கெட் போட்டியில் அஜித், விஜய் இருவருமே கலந்து கொள்ள வில்லை. மேலும், அஜித் குறித்து பல்வேறு கருத்துகள் மற்றும் செய்திகள் வெளியாகி இருக்கிறது.
நட்சத்திர கிரிக்கெட் போட்டி முடிந்து இரவு நடைபெற்ற விருந்தில், அஜித் பாடல் போடக்கூடாது என்று விஷால் கூறியதாக செய்தி வெளியானது.
இச்செய்தி வெளியானதில் இருந்து அஜித் ரசிகர்கள் தொடர்ச்சியாக விஷாலை திட்டித் தீர்த்து வருகிறார்கள். இது குறித்து விஷால் தனது ட்விட்டர் பக்கத்தில் ஒரு செய்தியில் நான் அஜித்தின் பாடலை நிறுத்தியாக எழுதப்பட்டுள்ளது.
மற்றொன்றில் இன்னும் கேலிக்கூத்தான விஷயங்கள் இடம் பெற்றுள்ளன. நான் சொல்லாததை எப்படி பிரசுரிக்கிறார்கள்?" என்று காட்டமாக தெரிவித்திருக்கிறார்.
இது குறித்து அந்த நிகழ்ச்சியில் பங்கேற்ற ஒருவரிடம் விசாரித்த போது, 'உண்மையில் இரவு விருந்தின் போது தெலுங்கு நடிகர் பால கிருஷ்ணாவிற்கு சோடியம் விளக்கின் வெளிச்சம் நேராக கண்ணில் அடித்துக் கொண்டே இருந்தது.
அந்த விளக்கை அணைக்குமாறு விஷாலிடம் பாலகிருஷ்ணா கேட்க, அவர் எழுந்து அதை அணையுங்கள் என்று தெரிவித்திருக்கிறார்.
இது தான் இரவு விருந்தில் நடந்தது. இச்செயல் தான் தவறாக புரிந்து கொள்ளப்பட்டு செய்தியாகி இருக்கிறது என்றார்.
மேலும், விஷால் தொடர்பான செய்தி வெளியானவுடன் அதை அஜித்திடம் அவருக்கு நெருக்கமானவர் தகவல் பகிர்ந்திருக்கிறார்.
அப்போது அவரிடம், அந்த இடத்தில் நீங்கள் இருந்தீங்களா அல்லது அங்கிருந்தவர்கள் யாராவது உங்களிடம் இப்படி நடந்தது என்று சொன்னார்களா என்று கேட்டிருக்கிறார் அஜித்.
இல்லை என்று தெரிவித்தவுடன் அவ்வளவு தான் விடுங்கள்... அது ஒரு மேட்டரே இல்லை என்றாராம் அஜித். நட்சத்திர கிரிக்கெட் போட்டி தோல்வி அடைந்து விட்டது என்று தனுஷ் கூறியதாக செய்திகள் வெளியாகின.
அதற்கு தனுஷூம், எங்கேயும் நான் அவ்வாறு தெரிவிக்கவில்லை என்று விளக்கம் அளித்திருப்பது குறிப்பிடத்தக்கது.
