அதிமுக வேட்பாளர் பட்டியல் அறிவிக்கப்பட்ட சில நிமிடங்களிலேயே வேட்பாளருக்கு எதிர்ப்பு தெரிவித்து, பெண் ஒருவர் தற்கொலைக்கு முயற்சி செய்த சம்பவம் சேலத்தில் பரபரப்பை ஏற்படுத்தியுள்ளது.
ஏற்கனவே, சேலம் தெற்கு தொகுதி சட்டமன்ற உறுப்பினராக உள்ள செல்வராஜுவை போட்டியிட வாய்ப்பளிக்காமல், புதிதாக வேறொருவரை தேர்வு செய்ததற்கு அந்த பெண் எதிர்ப்பு தெரிவித்து கோஷமிட்டார்.
மேலும் தான் தீக்குளிக்கப்போவதாகவும் மிரட்டல் விடுத்தார். அப்போது, அருகிலிருந்தவர்கள் அவரை தடுத்து சமாதானப்படுத்தினர். இதனால் அங்கு பரபரப்பு ஏற்பட்டது.
