தமிழகம் மற்றும் புதுச்சேரியில் பிளஸ் 2 தேர்வு முடிவுகள் இன்று காலை வெளியிடப்பட்டுள்ளது. இதில், ஊத்தங்கரையைச் சேர்ந்த 2 பேர் முதலிடம் பிடித்துள்ளனர்.
ஊத்தங்கரை, கிருஷ்ணகிரி வித்தியாமந்திர் மெட்ரிக் பள்ளியைச் சேர்ந்த ஆர்த்தி என்ற மாணவியும், ஜஸ்வந்த் என்ற மாணவனும் 1195 மதிப்பெண் எடுத்து முதலிடம் பிடித்துள்ளனர்.
திருவள்ளூர் மாவட்டத்தை ஸ்ரீ நிகேதன் பள்ளியை சேர்ந்த பவித்ரா 1194 மதிப்பெண் எடுத்து இரண்டாம் இடத்தை பிடித்துள்ளார்.
எம்.கவுண்டம்பாளையம், எஸ்.கே.வி மேல்நிலைப்பள்ளியை சேர்ந்த வேணுப்ரித்தா - 1193 மதிப்பெண் பெற்று மூன்றாம் இடத்தை பிடித்துள்ளார்.
தேர்வெழுதிய மாணவ, மாணவிகள் அந்தந்த பள்ளிகளில் தேர்வு முடிவுகளை அறிந்து கொள்ள வசதி செய்யப் பட்டுள்ளது.
மேலும் இணைய தளங்களிலும் தேர்வு முடிவுகளை தெரிந்து கொள்ள ஏற்பாடுகள் செய்யப் பட்டுள்ளது.
