ஆறாவது முறையாக முதல்வர் பதவி ஏற்கும் ஜெயலலிதாவை வாழ்த்தி நாளிதழில் விளம்பரம் கொடுத்துள்ளார் நடிகை நமீதா. இதன் மூலம் தீவிர அரசியலுக்கு தான் தயாராகிவிட்டதைத் தெரிவித்துள்ளார் நமீதா. அந்த விளம்பரம் நமது எம்ஜிஆர் நாளிதழில் வெளியாகியுள்ளது.
அதில், "ஆறாம் முறையாக அரியணை ஏறப் போகும் எங்கள் பெண்ணினத்தின் பேரரசிக்கு பணிவார்ந்த வாழ்த்துகள் தமிழகத்தின் நிரந்தர முதல்வரே நீடூழி வாழ்க! - நமீதா என்ற வாசகங்கள் இடம்பெற்றுள்ளன.
நமது எம்ஜிஆர் நாளிதழ் வெளியில் அவ்வளவாக கிடைக்காத நாளிதழ் என்றாலும், அதில் விளம்பரம் தர வேண்டுமென்றால் ஏகப்பட்ட கெடுபிடிகள் உள்ளன. கட்சியின் நிர்வாகிகள் கூட அத்தனை சீக்கிரம் விளம்பரம் கொடுத்துவிட முடியாது.
ஓபிஎஸ் போன்ற முக்கிய அமைச்சர்கள், நிர்வாகிகள் விளம்பரங்களுக்கு மத்தியில் நமீதாவின் விளம்பரம் இடம்பெற்றுள்ளது குறிப்பிடத்தக்கது.
