ஆஸ்திரேலியாவை சேர்ந்த இரட்டை சகோதரிகளுக்கு, தாங்கள் இருவரும் ஒரே நேரத்தில் கருத்தரித்து குழந்தை பெற்றுக்கொள்ள ஆசை இருப்பதாக தொலைக்காட்சி ஒன்றிற்கு அளித்த பேட்டியில் தெரிவித்துள்ளனர்.
உலகில் இரட்டை குழந்தைகள் பிறப்பது ஒன்றும் புதிதான விடயம் அல்ல, ஆனால் ஆஸ்திரேலியாவின் பெர்த் நகரில் வசித்து வரும் Lucy மற்றும் Anna DeCinque (30) என்ற இரட்டை சகோதரிகள் தங்களுடைய வினோதமான வாழ்க்கை நடைமுறைகளால் மக்களை திரும்பி பார்க்க வைத்துள்ளனர்.
இதுவரை, பிளாஸ்டிக் சர்ஜரிக்காக ஒரு கோடிக்கும் அதிகமாக செலவழித்து பிரபலமான இவர்கள் இருவரும், Ben Byrne (32) என்ற நபரை காதலித்து கடந்து ஆண்டு திருமணம் செய்து கொண்டனர்.
திருமணத்திற்கு பிறகு ஒரே படுக்கையை பகிர்ந்துகொள்ளும் இவர்கள், ஒரு வருடத்திற்கு மட்டும் தங்களின் அழகினை பராமரித்துக் கொள்வதற்காக(உதடு, செயற்கை புருவங்கள், மார்பகம், இமைகள்) $250,000 டொலர் செலவிடுகின்றனர்.
காரணம், இருவரும் ஒரே மாதிரியாக இருக்க வேண்டும் என்பதற்காக. இந்நிலையில் கடந்த 15 ஆம் திகதி SBS’s Insight என்ற நிகழ்ச்சியில் கலந்து கொண்ட இவர்கள், இரட்டை சகோதரிகளுக்கு 99.9 சதவீதம் ஒரே மாதிரியான மரபணு, பாலியல், சுகாதார பிரச்சனைகள் போன்றவை ஒருமித்ததாகவே இருக்கும்.
எனது சகோதரி சில மீற்றர் தூரம் நடந்து சென்றால், நானும் அதே தூரம் நடந்துசெல்வேன், ஏனெனில் எங்கள் இவரும் ஒரே அளவில் கலோரிகளை குறைக்க வேண்டும்.
அதுமட்டுமின்றி, நாங்கள் சாப்பிடும் உணவு மட்டுமின்றி, குடிக்குத் தண்ணீரின் அளவு கூட ஒரே அளவாக இருக்கும், ஒரு சிப்ஸ் பாக்கெட் வாங்கினால் கூட இருவரும் சம அளவு சாப்பிடுவோம்.
தற்போது நாங்கள் இருவரும் கர்ப்பம் தரிக்க ஆசைப்பட்டுள்ளோம், ஏனெனில் குழந்தைகள் என்றால் எங்களுக்கு கொள்ளை பிரியம், இதனால் செயற்கை கருத்தரித்தல் முறையினை பயன்படுத்தி கர்ப்பம் தரித்து குழந்தை பெற்றுக்கொள்ள ஆசைப்படுகிறோம் என தெரிவித்துள்ளனர்.
