தமிழக சட்டசபையின் தற்காலிக சபாநாயகராக எஸ்.செம்மலை இன்று பிற்பகல் 1.30 மணிக்கு பதவியேற்கிறார். அவருக்கு ஆளுநர் ரோசய்யா பதவிப்பிரமாணம் செய்து வைக்கிறார்.
தமிழகத்திற்கு நடந்த சட்டசபைத் தேர்தலில் அதிமுக ஆட்சியைப் பிடித்து சாதனை படைத்துள்ளது. முதல்வராக இன்று ஜெயலலிதா மீண்டும் பதவியேற்கவுள்ளார்.
இந்த நிலையில் சட்டசபை தற்காலிக சபாநாயகராக எஸ். செம்மலை நியமிக்கப்பட்டுள்ளார். அதிமுகவைச் சேர்ந்த செம்மலை முன்னாள் அமைச்சர் ஆவார். செம்மலையும் இன்று பதவியேற்கவுள்ளார்.
ஆளுநர் மாளிகையில் பிற்பகல் 1.3 மணிக்கு நடைபெறும் நிகழ்ச்சியில் அவருக்கு ஆளுநர் ரோசய்யா பதவிப்பிரமாணம் செய்து வைப்பார். நிகழ்ச்சியில் முதல்வர் ஜெயலலிதா, அமைச்சர்கள் உள்ளிட்டோர் கலந்து கொள்வர்.
அதன் பின்னர் கூடும் சட்டசபையில் புதிய உறுப்பினர்களுக்கு செம்மலை பதவிப்பிரமாணம் செய்து வைப்பார். அதையடுத்து சட்டசபை சபாநாயகர், துணை சபாநாயகர் தேர்தல் நடைபெற்று புதிய சபாநாயகர் வரும் வரை செம்மலை சபாநாயகராக செயல்படுவார்.
