தனது 2 வயது மகளை சமையலறை அவன் உபகரணத்தில் வைத்து கடும் எரிகாயத்துக்கு உள்ளாக்கிய குற்றச்சாட்டில் தாயொருவர் கைது செய்யப்பட்ட சம்பவம் அமெரிக்க டெக்ஸாஸ் மாநிலத்தில் இடம் பெற்றுள்ளது.
கடந்த வாரம் வியாழக்கிழமை இடம் பெற்ற இந்த சம்பவம் குறித்து சர்வதேச ஊடகங்கள் திங்கட்கிழமை செய்திகளை வெளியிட்டுள்ளன.
கிளன் ரோஸ் நகரைச் சேர்ந்த தஷா ஹட்சர் (35 வயது) என்ற மேற்படி பெண், தனது சின்னஞ்சிறு மகளை அவன் உபகரணத்துக்குள் வைப்பதை பார்த்தத்த ஒருவர் அது தொடர்பாக போலீஸாருக்கு தகவல் தெறிவித்துள்ளார்.
இதனையடுத்து சம்பவ இடத்துக்கு உடனடியாக வந்த போலீஸார் குழந்தையை ஒவன் உபகரணத்திலிருந்து வெளியில் எடுத்து மருத்துவமனையில் அனுமதிக்க நடவடிக்கை எடுத்ததுடன் தஷாவை கைதுசெய்துள்ளனர்.
அந்தப் பெண் எதற்காக மேற்படி கொடூர நடவடிக்கையை மேற்கொண்டார் என்பது தொடர்பில் தகவல் எதுவும் வெளியிடப்படவில்லை. கடும் எரிகாயங்களுக்கு உள்ளான குழந்தை தொடர்ந்து மருத்துவமனையில் சிகிச்சை பெற்று வருகிறது.
