சீனாவின் ஷங்காய் நகரில் நடைபெற்று வரும் உலகப் பட விழாவில் அதிரடி மன்னன் ஜாக்கி சான் பஞ்சாபி பாட்டுக்கு நடனமாடி அசத்திய தகவல் வெளியாகி யுள்ளது.
சீனாவின் ஷங்காய் நகரில் நடைபெற்று வரும் உலகப் பட விழாவில் அதிரடி மன்னன் ஜாக்கி சான் பஞ்சாபி பாட்டுக்கு நடனமாடி அசத்திய தகவல் வெளியாகியுள்ளது.
சீனாவின் ஷங்காய் நகரில் 19-வது உலகப் பட விழா நடைபெற்று வருகிறது. இந்த படவிழாவில் பங்கேற்ற ஆங்கிலப் பட அதிரடி நாயகன் ஜாக்கி சான்,
1990-ம் ஆண்டு வெளியான பஞ்சாபி பாடகர் தலர் மெஹ்மூத்தின் ‘தனக் தனக் தூன்’ பாடலுக்கு பாலிவுட் நடிகர் சோனு சூட் உடன் இணைந்து ‘குத்து நடனம்’ ஆடி அசத்தினார்.
பஞ்சாபியான சோனு சூட், ஜாக்கி சானுடன் சேர்ந்து ‘குங்பூ யோகா’ என்ற படத்தில் நடித்து வருகிறார்.
சீன அதிபர் க்சி ஜின்பிங் சமீபத்தில் இந்தியா வந்திருந்தபோது இந்தியாவும் சீனாவும் ஒன்றிணைந்து மூன்று திரைப்படங்களை கூட்டாக தயாரிக்க ஒப்பந்தம் போடப்பட்டது.
அவற்றில் ஒன்றான ‘குங்பூ யோகா’ என்ற படத்தில் தமிழில் வெளியான ‘அனேகன்’ படத்தில் கதாநாயகியாக தோன்றிய அமிரா தஸ்துர் என்பவரும் நடித்து வருகிறார்.
