இந்தியாவில் சிறுனொருவன் ஒரு வயதிலேயே பாலியல் ரீதியாகப் பருவம் அடைந்துள்ளமை அவனின் பெற்றோருக்கு அதிர்ச்சியை ஏற்படுத்தியுள்ளது
இச் சிறுவன் ஒரு வயதான நிலையிலேயே அவனின் ஆணுறுப்பு வேகமாக வளர ஆரம்பித்ததுடன் முகம் மற்றும்
பூப்பென்புப் பகுதியில் முடி வளரவும் ஆரம்பித்ததாக இச் சிறுவனின் பெற்றோர் தெரிவித்துள்ளனர்.
தற்போது முழுமையான வளர்ச்சியடைந்த ஆணுக்குரிய அளவில் இச் சிறுவனின் பாலியல் உறுப்புகள் உள்ளன.
இச் சிறுவனுக்கு அளவுக்கு அதிகமான டெஸ்டொஸ்டிரோன் ஓமோன் சுரப்பதாக மருத்துவர்கள் தெரிவித்துள்ளனர்.
பொதுவாக ஒரு வயது குழந்தைக்கு ஒரு டெசிலீற்றருக்கு 20 நனோகிராம் அளவிலேயே டெஸ்டெஸ்டிரோன் ஓமோன் அளவு காணப்படும் எனவும்,
ஆனால், இச் சிறுவனின் உடலில் ஒரு டெசிலீற்றருக்கு 500 – 600 ஆக உள்ளது எனவும் தெரிவிக்கப்படுகிறது.
மேற்படி சிறுவனின் தாய் இது தொடர்பாக கூறுகையில், எமது மகன் 6 மாத குழந்தையாக இருந்த போதே அவனின் ஆணுறுப்பு அசாதாரண அளவில் காணப்பட்டது.
அவனுக்கு சற்று பெரிய உறுப்பு உள்ளது என ஆரம்பத்தில் நாம் எண்ணினோம். அதனால் நாம் அவனை மருத்துவரிடம் காண்பிக்கவில்லை.
ஆனால் அவனுக்கு ஒரு வயதானபோது ஏதோ கோளாறு உள்ளது என்பதை உணர்ந்தோம்.
எமது குடும்பத்தில் பல பிள்ளைகளை பராமரித்த எனது மாமியார் தான், இது அசாதாரண வளர்ச்சி என்பதை முதலில் சுட்டிக்காட்டினார்.
அதன் பின்னரே நாம் அவனை மருத்துவரிடம் அழைத்துச் சென்றோம்” எனத் தெரிவித்துள்ளார்.
டில்லியைச் சேர்ந்த டாக்டர் வைசாகி ரஸ்டகி இக் குழந்தைக்கு ஒன்றரை வயதிலிருந்து சிகிச்சை அளித்து வருகிறார்.
ஒரு வயதுக்குட்பட்ட ஆண் குழந்தைகளில் ஒரு இலட்சத்தில் ஒருவருக்கு இவ்வாறான நிலை ஏற்படலாம் எனவும்
8 முதல் 10 வயது வரையான சிறுவர்களில 10,000 பேரில் ஒருவருக்கு இந்நிலை ஏற்படலாம் எனவும் டாக்டர் வைசாகி தெரிவித்துள்ளார்.
சிறுமிகளைப் பொறுத்தவரை 8 – 10 வயதில் பருவமடைவது, பொதுவாக நகர்ப் புறங்களில் சாதாரணமானது எனவும் அவர் தெரிவித்துள்ளார்
