ரஜினி நடிப்பில் பிரம்மாண்டமாக உருவாகியுள்ள ‘கபாலி’ படத்தின் பாடல்கள் வருகிற ஜுன் 12-ந் தேதி வெளியாக வுள்ளது. இதைத் தொடர்ந்து படம் வருகிற ஜுலை 15-ந் தேதி வெளியாகும் என எதிர்பார்க்கப் படுகிறது.
இதையடுத்து, இப்படத்தின் புரோமோஷன் வேலைகளில் தயாரிப்பாளர் கலைப்புலி எஸ்.தாணு தீவிரமாக களமிறங்கி யுள்ளார்.
இப்படத்தின் வெளிநாட்டு உரிமைகள் விறுவிறுப்பாக விற்பனையாகி வரும் நிலையில், இப்படத்தின் ஏர்லைன் பார்ட்னராக பிரபல விமான நிறுவனமான ஏர் ஏசியா இணைந்துள்ளது.
இதனை தயாரிப்பாளர் கலைப்புலி எஸ்.தாணுவே உறுதிப்படுத்தியுள்ளார். இந்த படத்தில் ஏர் ஏசியா நிறுவனத்தின் விமானங்கள் பயன் படுத்தப் பட்டிருப் பதாகவும் கூறப்படுகிறது.
ஏர் ஏசியா நிறுவனத்தின் விமானங்களில் ‘கபாலி’ படத்தின் புரொமோஷன்கள் இடம் பெறும் என்றும் கூறப்படுகிறது.
‘அட்டக்கத்தி’ பா.இரஞ்சித் இயக்கியுள்ள இப்படத்தில் ராதிகா ஆப்தே, தன்ஷிகா, கலையரசன், கிஷோர், தினேஷ் உள்ளிட்டோர் நடித்துள்ளனர். சந்தோஷ் நாராயணன் இசையமைத்துள்ளார்.
