முஸ்லிம் மாணவர்கள் தமது ஆசிரியர்களுடன் கட்டாயம் கை குலுக்க வேண்டும் என சுவிட்ஸர்லாந்தின் உள்ளூராட்சி அதிகாரசபை தெரிவித்துள்ளது.
சிரியாவிலிருந்து சென்ற இரண்டு சிறார்கள் மதத்தினை காரணங்காட்டி பெண் ஆசிரியைகளுடன் கை குலுக்கத் தேவையில்லை என வழங்கப்பட்டிருந்த விதிவிலக்கை இந்த தீர்ப்பு ரத்து செய்துள்ளது.
மதம் சார்ந்த பழக்கவழக்கங்களை விட பொது நன்மையும் பெண் சமத்துவமும் அதிக முக்கியத்துவம் வாய்ந்தவை என உள்ளூராட்சி மன்றம் மேலும் தெரிவித்துள்ளது.
சுவிஸின் பாடசாலைகளில் மாணவர்கள் வகுப்புகளின் ஆரம்பத்திலும் முடிவிலும் கை குலுக்குவது பொதுவான நடைமுறையாக கடைப்பிடிக்கப்படுகிறது.
அந்த நடைமுறையிலிருந்து இந்த இரண்டு முஸ்லிம் சிறார்களுக்கும் வழங்கப்பட்ட விதிவிலக்கு அந்த ஊரில் சர்ச்சையை ஏற்படுத்தியிருந்தது.
இதனிடையே பாடசாலை மாணவர்களின் பெற்றோர் கைகுலுக்க மறுத்தால் 5000 அமெரிக்க டொலர் வரை அபராதம் வழியிருப்பது தங்களை புண்படுத்துவதாக முஸ்லிம் அமைப்புக்கள் தெரிவித்துள்ளன.
