சிறையில் அடைக்கப்பட்டிருந்த தனது காதலனை சூட் கேஸ் ஒன்றுக்குள் வைத்து கடத்திச் செல்ல யுவதி ஒருவர் மேற்கொண்ட முயற்சியை வெனிசூலா அதிகாரிகள் முறியடித்துள்ளனர்.
வெனிசூலாவின் ஜோஸ் அன்டானியோ அன்ஸோடெகுய் (Jose Antonio Anzoategui prison, Venezuela) எனும் சிறைச்சாலையில் இப்ரெய்ன் ஜோஸ் வேர்காஸ் கார்சியா (Ibrain Jose Vargas Garcia) என்பவர் அடைக்கப்பட்டுள்ளார்.
வாகனம் ஒன்றை திருடிய குற்றச்சாட்டில் அவருக்கு 9 வருட கால சிறைத்தண்டனை விதிக்கப்பட்டுள்ளது.
அண்மையில் இப்ரெய்ன் ஜோஸ் வேர்காஸ் கார்சியாவை பார்வையிடுவதற்காக அவரின் காதலி அன்டோனியேட்டா ரொப்லெஸ் சௌடா (Antonieta Robles Saouda), மேற்படி சிறைச்சாலைக்குச் சென்றார்.
தன்னுடன் 6 வயதான மகளை யும் அன்டோனியேட்டா அழைத்துச் சென்றிருந்தார்.
சிறையிலிருந்து வெளியே வரும்போது சக்கரங்கள் பொருத்தப்பட்ட சூட்கேஸ் ஒன்றை இழுத்துச் செல்வதற்கு அன்டோனியேட்டா சிரமப்படுவதை அவதானித்த போது அதிகாரிகளுக்கு சந்தேகம் ஏற்பட்டது.
அதனால், அந்த சூட்கேஸை அதிகாரிகள் சோதனைக்குட் படுத்தினர்.
அப்போது, கைதியான இப்ரெய்ன் ஜோஸ் வேர்காஸ் கார்சியா சூட்கேஸுக்குள் இருப்பதைப் பார்த்து சிறை அதிகாரிகள் திடுக்கிட்டனர்.
அதன்பின் கார்சியாவின் காதலியான அன்டோனியேட்டா வையும் அதிகாரிகள் கைது செய்தனர். கார்சியா மீண்டும் சிறையில் அடைக்கப் பட்டார்.
அன்டோனியேட்டாவுடன் வந்த சிறுமியை வெனிசூலாவின் சிறுவர் பராமரிப்பு அதிகார சபையினர் பொறுப்பேற்றுள்ளனர்.
