தமிழகத்தில் நடந்து வரும் ஜல்லிக் கட்டுக்கு ஆதரவான போராட்டம் உலக தமிழர்கள் மத்தியில் எழுச்சியை ஏற்படுத்தியுள்ளது.
இலங்கையில் தமிழர்கள் அதிகம் வாழும் பகுதியான யாழ்ப் பாணத்தில், தமிழக ஜல்லிக்கட்டு போராட்டங் களுக்கு ஆதரவு தெரிவித்து தமிழ் இளைஞர்கள் போராட தொடங்கி யுள்ளனர்.
தமிழர்களின் பாரம்பரிய விளையாட்டான ஜல்லிக் கட்டுக்கு இந்தியாவில் விதிக்கப் பட்டுள்ள தடையை நீக்கக் கோரியும்,
தமிழ்நாட்டில் முன்னெடுக் கப்படும் போராட்டங் களுக்கு வலுச் சேர்க்கும் விதமாகவும் யாழ்ப் பாணத்தில் இளைஞர் களால் போராட்டம் முன்னெடுக்கப் பட்டுள்ளது.
சமூக வலைத் தளங்கள் வழியாக ஒன்று கூடிய இளைஞர்கள் எவ்வித குழப்பங் களுக்கும் இடம் கொடுக்காமல் அஹிம்சை முறையில் ஜல்லிக் கட்டுக்கு ஆதரவான போராட்டத்தை முன்னெடுத்தனர்.
போராட்டத்தில் பங்கேற்ற இளைஞர்கள், ஜல்லிக் கட்டு தமிழர்களின் பாரம்பரியம், பீட்டாவை தடை செய், போன்ற கோஷங்களை எழுப்பினர்.
ஜல்லிக்கட்டுக்கு ஆதரவாக “அலங்கா ‘நல்லூர்’ ஆடும் வரை ஈழ ‘நல்லூர்’ அடங்காது”, “தமிழனின் தனித் துவத்தை தடுக்காதே”,
“தலைகள் குனியும் நிலையில் இனியும் தமிழன் இல்லையடா”, ஆகிய வாசகங்கள் அடங்கிய பதாகைகளை ஏந்தியப்படி போராடினர்.
போராட்டத்தில் பங்கேற்ற இளைஞர்கள் தமிழர்களின் பாரம்பரிய விளை யாட்டான ஜல்லிக்கட்டு மீதான தடையை இந்திய உச்ச நீதிமன்றம் நீக்க வேண்டும்.
தமிழ் பாரம்ப ரியத்தின் மீது அடக்குமுறை விதிக்கப் படுவதை எவ்வகையிலும் ஏற்றுக் கொள்ள முடியாது.
அவர்களுக்கு ஆதரவாக நாங்கள் நிற்கிறோம். அதனால் தான் இந்த போராட்டம் தற்போது நடத்தப்பட்டு வருகிறது என்றனர்.
இலங்கை யாழ்ப்பாணத்தில் முதன் முறையாக சமூக வலைத் தளங்கள் வழியாக அழைப்பு விடுக்கப்பட்டு வெற்றிகரமாக நடைபெற்ற போராட்டம் இது என்பது குறிப்பிடத் தக்கது.
