தவக்களை: அம்மா உணவக சாப்பாடு: மாத்திரை மருந்து வாங்க பணம் இல்லை: பீட்டா விஷால் என்ன பண்ணறீங்க…நலிந்த கலைஞர் களுக்கு என்ன உதவி செய்தீர்கள் என்கிறார்கள். மூத்த நடிகர்கள்.
முந்தானை முடிச்சு” திரைப்படம் மூலம் தமிழ் சினிமாவில் அறிமுகமான நடிகர் தவக்களை இன்று காலை காலமானார்.
1983-ஆம் ஆண்டு இயக்குநர் பாக்யராஜ் இயக்கி, நடித்த முந்தானை முடிச்சு திரைப்படம் மூலம் தமிழ் சினிமாவுக்கு அறிமுகமானவர் நடிகர் தவக்களை.
முந்தானை முடிச்சு திரைப் படத்தில் அவரின் நடிப்பு நல்ல வரவேற்பை பெற்றது. இதனைத் தொடர்ந்து பல்வேறு நகைச்சுவை கதா பாத்திரங்கள் அவருக்கு கிடைத்து வந்தது.
ஆனால் கடந்த 15 ஆண்டுகளாக வாய்ப்புகள் சுத்தமாக நின்று போனது.கலைநிகழ்ச்சிகள் நடத்த மலேசியா,துபாய் போய் வருவார்.
நடிகர், நடிகர்களை கூட்டிச் செல்வார்.ஆனால் அதிலும் அவரால் காசு பார்க்க இயல வில்லை. இதனால் கடுமையான வறுமையில் போராடினார்.
வடபழனி குமரன் காலனியில் உள்ள அம்மா உணவகம் தான் இவரது ரெகுலர் சாப்பாடு விடுதி. மூன்று வேலை உணவும் இங்குதான்.
வீட்டிற்கும் வாங்கிப் போவார். உடல் மெலிந்து தாடி வளர்த்து கூனி குறுகி உனவு வாங்க கியூவில் நிற்பது பரிதாபமாக இருக்கும்.
கடந்த ஒரு மாதமாக வீட்டில் முடங்கிக் கிடந்தார்,. வாடகை கொடுக்க கூட மிகவும் சிரமப பட்டார். பாவம் நேற்று இறந்தும் போனார்.
இவரைப் போன்ற நலிந்த கலைஞர்களை நடிகர் சங்கம் கவனிக்க வேண்டும் என்கிற கோரிக்கை எழுந்துள்ளது.
