ஆர்.கே. நகரில் தொகுதி கோடீஸ்வர வேட்பாளர்கள் !

ஆர்.கே. நகர் இடைத்தேர்தலில் கோடீஸ்வர வேட்பாளர்களும், லட்சாதிபதி வேட்பாளர்களும் களத்தில் உள்ளனர். 

அதிமுக புரட்சித் தலைவி அம்மா கட்சி வேட்பாளர் மதுசூதனனும், அதிமுக அம்மா கட்சி வேட்பாளர் டிடிவி தினகரனும் கோடீஸ்வர வேட்பாளர்கள். 

முன்னாள் முதல்வர் ஜெயலலிதாவின் மறைவை யொட்டி காலியாக உள்ள ஆர்.கே. நகர் தொகுதியில் வரும் ஏப்ரல் 12ஆம் தேதி தேர்தல் நடைபெற உள்ளது. 

இதற்கான வேட்புமனு தாக்கல் நேற்று முடிவடைந்தது. தொகுதியில் மொத்தம் 127 வேட்பாளர்கள் போட்டியி டுகின்றனர். நேற்று மட்டும் 72 வேட்பாள ர்கள் மனுதாக்கல் செய்தனர். 

இன்று வேட்புமனு பரிசீலனை நடைபெறுகிறது. அனைத்து கட்சி வேட்பாளர்களும் பிரச்சாரத்தில் ஈடுபட்டுள்ளனர்.

வேட்பாளர்கள் சொத்து மதிப்பு

ஆர்.கே. நகர் தொகுதியில் போட்டியிடும் அதிமுகவின் இரு அணி வேட்பாளர் களான டிடிவி தினகரன், மதுசூதனன், 

திமுக வேட்பாளர் மருது கணேஷ் உள்ளிட்ட அனைத்து வேட்பாளர்களும் தங்களுடைய சொத்து விபரங்களை வேட்பு மனுவில் குறிப்பிட்டுள்ளனர்.

டிடிவி தினகரன்

தொப்பி சின்னத்தில் போட்டியிடும் டிடிவி தினகரன் தாக்கல் செய்த பிரமாணப் பத்திரத்தில், தனக்கு 11 லட்சத்து 45 ஆயிரம் அளவுக்கு அசையும் சொத்துக்களும், 57 லட்சம் ரூபாய் மதிப்பிலான அசையா சொத்துக் களும் உள்ளதாக குறிப்பிட் டுள்ளார். 

மேலும் தனது மனைவி பெயரில் 7 கோடியே 18 லட்சம் ரூபாய் மதிப்பிலான அசையும் சொத்து க்களும், 2 கோடியே 40 லட்சம் ரூபாய் மதிப்பிலான அசையா சொத்துக்களும் இருப்பதாக குறிப்பிட் டுள்ளார். 

ஃபெரா உள்ளிட்ட 2 வழக்குகள் நீதிமன்றத்தில் நிலுவையில் உள்ளது என கூறி யுள்ளார்.

மதுசூதனன்

மதுசூதனன் தனது பிரமாணப் பத்திரத்தில் 18 லட்சத்து 89 ரூபாய் மதிப்பில் அசையும் சொத்துக்களும், 1 கோடியே 37 லட்சம் ரூபாய் மதிப்பில் அசையா சொத்துக்களும் இருப்பதாக கூறியுள்ளார். 

மேலும் தனது மனைவி பெயரில், 51 லட்சத்து 72 ரூபாய் மதிப்பில் அசையும் சொத்துக் களும், 3 கோடியே 30 லட்சம் மதிப்பிலான சொத்துக் களும் உள்ளதாக குறிப்பிடப் பட்டுள்ளது. தன்மீது எந்த வழக்கும் இல்லை என குறிப்பிட் டுள்ளார்.

தீபா சொத்துக்கள்

ஜெயலலிதா வின் அண்ணன் மகள் தீபா தாக்கல் செய்துள்ள பிரமாண பத்திரத்தில் தனக்கு ரு.1 கோடி அளவிற்கு அசையும் சொத்துக்கள் இருப்ப தாகவும், 

2 கோடி அளவிற்கு அசையாத சொத்துக்கள் இருப்ப தாகவும் குறிப்பிட் டுள்ளார். கணவரின் பெயரை அவர் ஏனோ குறிப்பிட வில்லையாம்.

மருதுகணேஷ் சொத்து மதிப்பு

முக்கிய கட்சிகளின் வேட்பாளர்கள் சொத்து மதிப்பை தேர்தல் ஆணையம் நேற்று வெளியிட்டது. 

அதன்படி, திமுக வேட்பாளர் மருது கணேஷின் சொத்து மதிப்பு ரூ.2,79,531 ஆகவும், அவருடைய மனைவி யின் சொத்து மதிப்பு ரூ.7,08,606 ஆகவும் உள்ளது.

மதிவாணன் - லோகநாதன்

தேமுதிக சார்பில் போட்டிடும் வேட்பாளர் மதிவாணன் சொத்து மதிப்பு ரூ.40.69 லட்சமாகவும், மார்க்சிஸ்ட் கம்யூனிஸ்ட் வேட்பாளர் லோகநாதனின் சொத்து மதிப்பு ரூ.6.5 லட்சமாகவும் உள்ளதாக குறிப்பிட்டுள்ளார்.