பெண் சிசுக்கொலையா? - செவிலியரால் கைது செய்யப்பட்ட கும்பல் !

கிருஷ்ணகிரி அருகே இரண்டாவது குழந்தையும் பெண் குழந்தையாக பிறந்ததால் குடும்பமே சேர்ந்து கொலை செய்த சம்பவம் அதிர்ச்சி யளித்துள்ளது.

கிருஷ்ணகிரி மாவட்டம் போச்சம்பள்ளி எனும் கிராமத்தைச் சேர்ந்தவர்கள் யோசிராஜா மற்றும் சத்யா தம்பதிகள்.

இவர்களுக்கு 2 வயதில் ஒரு பெண் குழந்தை உள்ளது. 

இந்நிலையில் இவரது மனைவி சத்யா கர்ப்ப மானதை அடுத்து குடும்பத்தினர் ஆண் குழந்தையை எதிர் பார்த்துள்ளனர்.

ஆனால் இம்முறையும் அவர்களுக்கு பெண் குழந்தையே பிறந்துள்ளது.

அரசு மருத்துவ மனையில் குழந்தை பிறந்ததால் சத்யாவுக்கும் அவரது குழந்தைக்கும் தடுப்பூசி போடுவதற் காக மங்கை எனும் அரசு செவிலியர் யோசிராஜா வீட்டுக்கு சென்றுள்ளார். 

ஆனால் குழந்தை அங்கு இல்லாதது கண்டு விசாரித்துள்ளார். அவர்கள் குழந்தை தங்கள் அக்கா வீட்டில் இருப்பதாக சொல்லி யுள்ளார். ஆனால் அவர்களின் பதிலால் அதிருப்தியடைந்த மங்கை சந்தேகம் அடைந் துள்ளார். 

இதனை அடுத்து அந்த வட்டார மருத்துவரிடம் தகவல் சொல்லி யுள்ளார்.

அவர் நடத்திய விசாரணை யில் குழந்தை மூச்சடைத்து இறந்துள்ள தாக சொல்லி யுள்ளனர்.

அதன் பின்னர் மருத்துவர்கள் மற்றும் காவலர்கள் குழந்தை புதைக்கப்பட்ட இடத்தில் ஆய்வு மேற் கொண்டதில்

குழந்தை குருணைப்பால் கொடுத்து கொல்லப் பட்டது கண்டு பிடிக்கப் பட்டுள்ளது. 

குழந்தையின் கொலைக்குக் காரணமான குழந்தையின் பாட்டியான பொட்டியம்மாள் மற்றும் குடும்பத்தினர் கைது செய்யப் பட்டுள்ளார். 

தமிழகத்தில் பல ஆண்டுகளாக இல்லாமல் இருந்த பெண் சிசுக்கொலை மீண்டும் தலை தூக்கி விடுமோ என்ற அச்சத்தை இந்த சம்பவம் ஏற்படுத்தி யுள்ளது.