தூக்கம். நாள் முழுக்க ஓடி கொண்டிருக்கும் நாம் அடுத்த நாள் உற்சாகமாக செயல்பட தூக்கம் தான் தேவையாக இருக்கிறது. ஓய்வு என்பது வேறு தூக்கம் என்பது வேறு இரண்டையும் குழப்பி கொள்ள கூடாது.
லைஃப்ஸ்டைல் எவ்வளவோ மாற்றங்களை கொண்டிருக்கிறது என்றாலும் அன்றாட பழக்கங்களிலும் பல மாற்றங்களை கொண்டு வந்து விட்டது.
அவற்றில் முறையான தூக்கத்தை இழந்தவர்களின் எண்ணிக்கை அதிகரித்து வருகிறது. இவை நாளடைவில் பல்வேறு ஆரோக்கிய குறைபாடுகளை உண்டாக்கி விடும் என்று எச்சரிக்கிறார்கள் மருத்துவர்கள்.
மனிதன் குழந்தை பருவத்தி லிருந்தே தூக்கத்தை முறையாக கடைப்பிடிக்க வேண்டும். எந்த வயதில் எவ்வளவு தூக்கம் என்பதை பார்க்கலாம்.
தூக்கம்
பிறந்த குழந்தை முதல் வயதானவர்கள் வரை அனைவ ருக்கும் தூக்கம் மிகவும் அவசியமானது. இரவு ஆழ்ந்த தூக்கம் இருந்தால் தான் அடுத்த நாள் முழுவதும் உற்சாகமாக கழிக்க முடியும்.
இந்த ஆழ்ந்த உற்சாகம் நமக்கு பலவிதமான ஆரோக்கிய நன்மைகளை தருகிறது.
இதற்கென வேர்ல்டு அஸோஸியேஷன் ஆஃப் ஸ்லீப்பிங் மெடிசன் என்ற அமைப்பு வருடந்தோறும் மார்ச் 16-ல் உலக தூக்க தினத்தை கொண்டாடி வருகிறது.
கடந்த 25 வருடங்களுக்கு முன்பு வரை தூக்கம் குறித்த விழ்ப்புணர்வு யாரும் இருந்திருக்க வில்லை. அதை வலியுறுத்த வேண்டிய அவசியமும் இருந்ததில்லை.
ஆனால் காலங்கள் மாற மாற குறிப்பாக இளைய தலைமுறையினர் இந்த தூக்கத்தை உரிய முறையில் கடைபிடிக்க வில்லை என்பது தான் இந்த தூக்கத்துக்கு கூட விழிப்புணர்வு தரும் கட்டாயத்தில் இருக்கிறோம்.
பள்ளி செல்லும் குழந்தைகள்
பள்ளிக்கு செல்லும் குழந்தைகளாக இருந்தால் தினமும் 10 மணி நேரம் தூங்க வேண்டும். இவர்கள் 8 மணி நேரத்துக்கு குறைவான தூக்கமோ 10 மணி நேரத்துக்கு அதிகமான தூக்கமோ கொண்டால் அடுத்த நாளில் நிச்சயம் சோர்வடைவார்கள்.
அம்மாக்கள் பள்ளிக்கு செல்லும் குழந்தைகளை சீக்கிரம் சாப்பிட பழகுவதோடு விரைவில் படுக்கைக்கு செல்லவும் பழக்கப்படுத்த வேண்டும்.
இரவு 8 மணிக்காவது குழந்தைகளை தூங்க வைக்க பழகினால் தான் குறைந்தது மறுநாள் காலை 6 மணிக்கு எழுவதோடு அந்நாள் முழுவதும் சோர்வாகாமல் இருப்பார்கள்.
மந்தமாக இருப்பார்கள். பிள்ளைகள் படுத்தவுடன் தூங்க வேண்டும் எனில் குழந்தைகளை தூங்கும் போது கம்ப்யூட்டர் முன்போ தொலைக்காட்சி முன்போ நீண்ட நேரம் அமர வைக்காதீர்கள்.
பதின்ம வயதினரும் இளைய தலைமுறையும்
பதினம் வயதினர் மற்றும் இளைய தலைமுறையினர் இருவருக்கும் ஒரு மணி நேரம் மட்டுமே வித்தியாசம் உண்டு. இவர்கள் தினமும் 8 அல்லது 9 மணி நேரமாவது தூங்க வேண்டும்.
இதிலிருந்து இரண்டு மணி நேரம் கூடவும் கூடாது. இதிலிருந்து 1 மணி நேரம் குறையவும் கூடாது. இதில் இளவயது தலைமுறையினர் 6 மணி நேரத்துக்கு குறையகூடாது என்பதும் கவனிக்க தக்கது.
இது இளைய தலைமுறையினருக்கு மட்டும் அல்ல நடுத்தர வயது வரையில் இருப்பவர்கள் வரை அனைவருக்கும் பொருந்தும். வயதானவர்கள் 8 மணி நேரம் வரை உறங்கலாம்.
அவை 10 மணி நேரம் தாண்டி அதிகரிக்கவும் கூடாது. சிலர் ஐந்து மணி நேரத்துக்கு குறைவாக தூங்கும் போது உடல் சோர்வு மேலும் அதிகரித்து விடும்.
ஆனால் இயல்பாகவே இந்த வயதில் தூக்கம் என்பதே குறையும் போது ஆழ்ந்த தூக்கம் கேள்விக்குரிய தாகிறது.
தூக்கம் ஏன் அவசியம்
உடல் ஆற்றலோடு உற்சாகமாக செயல்பட மட்டும் அல்லாமல் வேறு பல நன்மைகளையும் இந்த தூக்கம் தருகிறது. உடலில் இருக்கும் உறுப்புகள் தூங்கும் போதும் இயங்குவதுண்டு.
அதில் 100% ஓய்வாக இருக்கும் உறுப்பு என்றால் கண்கள் தான் கண்களுக்குரிய ஓய்வை கொடுத்தால் தான் அவற்றில் குறைபாடு நேராமல் பார்க்க முடியும்.
அதை தூக்கத்தால் மட்டுமே நம்மால் கொடுக்க முடியும் என்பது குறிப்பிடத்தக்கது.
இவை தவிர நம்மை ஒவ்வொரு நாளும் நம்மை சோர்வில்லாமல் வைத்து கொள்ளவும் உடலில் நோய் எதிர்ப்பு சக்தியை அதிகரிக்கவும் செல்களுக்கு புத்துயிர் ஊட்டவும் தூக்கம் உதவுகிறது.
உடல் ஆரோக்கியத்துக்கு முக்கியத்துவம் கொடுப்பவர்கள் தூக்கத்துக்கு முக்கியத்துவம் கொடுக்க வேண்டும் என்கிறது ஆய்வு ஒன்று.
தூங்குவதால் நினைவாற்றல் வளமாக இருப்பதாக மற்றொரு ஆய்வு தெரிவிக்கிறது. சில ஆய்வுகள் தூக்க மின்மையால் மன அழுத்தத்தை உண்டாக்குகிறது என்றும் எச்சரிக்கிறது.
தூக்கத்தை தடை செய்யும் காரணங்கள் செல்ஃபோன் , டிவி, கம்ப்யூட்டர், மடிக்கணினி, அதிக ஒளி என்று பொதுவாக சொன்னாலும் இது குறித்து வேறு ஒரு கட்டுரையில் விரிவாக பார்க்கலாம்.
இப் போதைக்கு எவ்வளவு நேரம் தூங்க வேண்டும் என்பதை தெரிந்து கொள்வது ஆரோக்கியமாக சுறு சுறுப்பாக செயல்படுவதில் உதவியாக இருக்கும்.
