6-ம் தேதி மகளிர் உரிமைத் தொகை விவரம் சரி பார்க்கும் பணி !

மகளிர் உரிமைத் திட்டத்தின் கீழ் குடும்பத் தலைவிகளுக்கு ரூ.1000 வழங்குவதற்கான விண்ணப்பம் வினியோகிக்கப்பட்டு பதிவு செய்யும் பணி தீவிரமாக நடந்து வருகிறது.

சென்னையில் 17 லட்சம் குடும்ப அட்டைகள் இருப்பதால் 2 கட்டமாக இத்திட்டம் செயல்படுத்தப் படுகிறது. இது வரையில் 6 லட்சத்து 18 ஆயிரம் விண்ணப்பங்கள் முதல் கட்டமாகவும், 53,568 படிவங்கள் 2-வது கட்டமாகவும் வழங்கப்பட்டன. 

நேற்று முன்தினம் வரை 4 லட்சத்து 33 ஆயிரத்து 326 பேர் பதிவு செய்துள்ளனர். முதல் கட்ட விண்ணப்ப பதிவு நாளையுடன் முடிவடைகிறது. 

இந்த நிலையில் 2-வது கட்ட விண்ணப்ப படிவம் வழங்கும் பணி ஒரு சில இடங்களில் தொடங்கி யுள்ளது. 102 வார்டுகளுக்கு உட்பட்ட 724 ரேசன் கடைகள் பகுதியில் 5-ம் தேதி முதல் 16-ம் தேதி வரை சிறப்பு முகாம்கள் நடைபெற உள்ளன. 

இதற்கிடையில் விண்ணப்பங்களை பதிவு செய்த குடும்பத் தலைவிகளின் விவரங்கள் சரி பார்க்கும் பணியும் விரைவில் தொடங்க உள்ளது. இந்த பணி வருகிற 6-ம் தேதி முதல் 15-ம் தேதி வரை வீடு வீடாக நடக்கிறது. 

(getCard) #type=(post) #title=(You might Like)

இந்த பணியில் 1000-க்கும் மேற்பட்ட ஊழியர்கள் ஈடுபடுகிறார்கள். 100 சதவீதம் கள ஆய்வு நடத்திய பிறகு தான் குடும்ப தலைவிகளுக்கு ரூ.1000 உதவித் தொகை மாதந்தோறும் வங்கி கணக்கில் வழங்கப்படும்.

2-வது கட்ட சிறப்பு முகாம்கள் முடிந்தவுடன் 16-ம் தேதி முதல் 25-ம் தேதி வரை சரி பார்க்கும் பணி தொடங்குகிறது. 

தகுதியானவர்கள் யாரும் விடுபட்டு விடாமலும் குடும்ப தலைவிகள் தவறான தகவல்களை கொடுத்து உதவியை பெறுவதை தடுக்கவும் சான்றிதழ் சரிபார்ப்பு தீவிரமாக நடைபெற உள்ளது.