அம்மா சொன்ன வார்த்தைகள் இப்போ தான் புரிந்தது... ஜான்வி கபூர் !

ஸ்ரீதேவி தன் மகள்கள் ஜான்வி, குஷி நடிகையாவதை விரும்பவில்லை. இருந்தாலும் மகள்களின் விருப்பத்திற்கு எதிர்ப்பு தெரிவிக்கவில்லை.

தடக் படம் மூலம் நடிகையானார் ஜான்வி கபூர். அந்த படத்தில் அவர் நடித்துக் கொண்டிருந்த போது தான் ஸ்ரீதேவி மரணம் அடைந்தார். படப்பிடிப்பு துவங்கிய போது உயிருடன் இருந்த ஸ்ரீதேவி தன் மகளின் முதல் பட ரிலீஸை பார்க்க இல்லை.

இந்த ஆவணங்கள் இருந்தா எஸ்பிஐ மூலம் ரூ.1 லட்சம் வரை சம்பாதிக்கலாம் !

இந்நிலையில் பேட்டி ஒன்றில் ஜான்வி கபூர் கூறியிருப்பதாவது,

என் முதல் படத்தின் முதல் ஷாட்டை ஷூட் செய்தபோது அம்மா அங்கு இருந்தார். அம்மா இருப்பதை நினைத்து நான் மிகவும் பதட்டமாக இருந்தேன். அதனால் மனிஷ் மல்ஹோத்ராவுடன் சேர்ந்து அவர் ஒரு மரத்திற்கு பின்னால் மறைந்து நின்றார்.

நான் ஷூட்டிங்ஸ்பாட்டிலேயே இல்லை என என்னிடம் கூறினார் அம்மா. ஆனால் அவர் ஸ்பாட்டில் இருந்ததை பின்னர் தெரிந்து கொண்டேன்.

என் நடிப்பு பற்றி அம்மா என்ன சொல்வாரோ என்று தான் பயங்கர டென்ஷன். என் முதல் நாள் ஷூட்டிங்கை பார்த்த பிறகு அம்மா என்ன சொன்னார் என்பதை கடந்த வாரம் தெரிந்து கொண்டேன்.

நான் எப்படி நடித்தேன் என்பதை அம்மா சொல்லவே இல்லையே என்று நினைத்தது உண்டு. இந்நிலையில் நண்பர் ஒருவரிடம் என் நடிப்பு பற்றி அம்மா பேசியிருக்கிறார்.

ஷூட்டிங்கில் நான் நடித்ததை அம்மா பார்த்து முடித்ததும் அவருக்கு அந்த நண்பர் போன் செய்து பேசியிருக்கிறார். அவரிடம் அம்மாவோ, ஜான்வியிடம் அந்த நடிப்புத் திறமை இயல்பாகவே இருக்கிறது. 

அவர் மிகவும் சிறப்பாக நடித்தார். எனக்கு ரொம்ப பெருமையாக இருக்கிறது என்று கூறியிருக்கிறார். அம்மா அப்படி சொன்னது எனக்கு இத்தனை நாட்களாக தெரியாது. ஒரு வாரத்திற்கு முன்பே தெரிந்தது.

அம்மாவின் விமர்சனத்தை கேட்ட பிறகு எனக்கு தன்னம்பிக்கை அதிகரித்துள்ளது என்றார். ஜான்விக்கு நடிக்கவே தெரியவில்லை. அவர் ஸ்ரீதேவி மாதிரி இல்லை என விமர்சிக்கப்படும் நேரத்தில் இப்படி ஒரு தகவலை வெளியிட்டுள்ளார் ஜான்வி கபூர்.

கட்டடத்திற்குள் புகுந்து செல்லும் ரயில் கேள்விப்பட்டு இருக்கிறீர்களா?

ஜான்வி கபூர் நடிப்பில் அண்மையில் வெளியான படம் பவால். அந்த படத்தில் வருண் தவானுக்கு மனைவியாக நடித்திருந்தார். ஜான்வியை பெரிய திரையில் பார்க்கும் போது எல்லாம் ஸ்ரீதேவியை பார்ப்பது போன்று இருப்பதாக ரசிகர்கள் கூறி வருகிறார்கள்.

தான் இல்லாமல் ஜான்வியால் இருக்க முடியாது என்று நினைத்தார் ஸ்ரீதேவி. அவர் இறந்த பிறகு படங்களிலும் நடித்துக் கொண்டு வீட்டையும் கவனித்துக் கொள்கிறார் ஜான்வி கபூர்.

மேலும் நடிப்பில் ஆர்வம் இல்லாமல் இருந்த இளைய மகள் குஷி கபூரோ ஜோயா அக்தரின் ஆர்ச்சீஸ் படம் மூலம் நடிகையாகி விட்டார். 

மகள்கள் இப்படி அழகாக நடித்து வருவதை பார்க்க ஸ்ரீதேவி உயிருடன் இல்லையே என்பதே அவருக்கு நெருக்கமானவர்கள் மற்றும் ரசிகர்களின் கவலையாக இருக்கிறது.

ஆன்டிபயாடிக் எடுத்துக் கொண்ட மருத்துவர் தற்கொலை... எச்சரிக்கை செய்தி !

ஜான்வியும் சரி, குஷியும் சரி அவ்வப்போது அம்மாவை பற்றி இன்ஸ்டாகிராமில் போஸ்ட் போட்டு வருகிறார்கள் என்பது குறிப்பிடத்தக்கது. மிஸ் யூ மம்மா என ஜான்வி தான் அடிக்கடி கூறி வருகிறார்.