எதிர்நீச்சல் நடிகர் குணசேகரனின் சம்பளம் தெரியுமா?

எதிர்நீச்சல் சீரியலில் நடிகர் மாரிமுத்துவின் சம்பளம் குறித்த தகவல் இணையத்தில் வெளியாகி யுள்ளது. 

சினிமாவில் நடிகர், நடிகைகளுக்கு எந்த அளவுக்கு மவுஸ் இருக்கிறதோ அதற்கு இணையாக சீரியலில் நடிக்கக் கூடிய ஆர்டிஸ்ட்களுக்கும் மக்களிடத்தில் பெரிய வரவேற்பு இருக்கிறது. 

அந்த வகையில் அனைத்து குடும்பங்களிலும் சமீப காலமாக ஒரு கேரக்டர் பெரிய அளவில் ரசித்துப் பார்க்கப்பட்டு வருகிறது. 

அதிகமாக கோபப்பட்டால் இதெல்லாம் நடக்கும் !

அதாவது தற்போது ட்ரெண்டிங்கில் போய்க் கொண்டிருக்கும் எதிர்நீச்சல் நாடகத்தின் வில்லன், நடிகர் மற்றும் காமெடியன் என அனைத்தையும் இவர் ஒருவரை செய்து கலக்கிக் கொண்டிருக்கும் ஆதி குணசேகரன் தான். 

கோலங்கள் சீரியலுக்குப் பிறகு இயக்குநர் திருச்செல்வம் மீண்டும் சன் தொலைக்காட்சியில் எதிர்நீச்சல் சீரியலை இயக்கி வருகிறார். 

2022 பிப்ரவரி மாதம் முதல் இரவு 9.30 மணிக்கு தொடர் ஒளிபரப்பாகி வரும் இத்தொடரில் நடிகை ஹரிப்பிரியா, பிரியதர்ஷினி, கனிகா, மாரிமுத்து, கமலேஷ் உள்ளிட்டோர் இதில் நடித்து வருகின்றனர். 

ஆணாதிக்கம் மிக்க அண்ணன் - தம்பிகள் தங்கள் வீட்டு பெண்களை எவ்வாறு அடிமைப் படுத்துகிறார்கள் என்பதும், அதை அந்தப் பெண்கள் எதிர் கொண்டு எவ்வாறு மீண்டெழுகிறார்கள் என்பதே எதிர்நீச்சல் சீரியலின் கதைகளம்.

இதில் மூத்த அண்ணனாக நடித்து வருபவர் தான் மாரிமுத்து. குணசேகரன் என்ற கதாபாத்திரத்தில் ஆணவம், அகங்காரம், பெண்ணடிமை என சமூகத்தில் பெரும்பாலான ஆண்களுக்கு இருக்கும் குணங்களை அப்படியே திரையில் பிரதிபலித்து வருகிறார். 

மற்ற சீரியல் வில்லன்களில் இருந்து எதிர்நீச்சல் ஆதி குணசேகரன் வேறுபடும் இடம் எதுவென்றால், அவரது டைமிங் பஞ்ச்கள் தான். 

பொதுவாக வில்லன்கள் என்றாலே பார்வையாளர்கள் மத்தியில் இயல்பாக வெறுப்பு எழும். ஆனால் ரசிகர்கள் ரசிக்கும் வில்லனாகி யிருக்கிறார் குணசேகரன்.

(getCard) #type=(post) #title=(You might Like)

இவருடைய கேரக்டர் படி பெண்கள் என்றால் சமைப்பதற்கும், வீட்டு வேலைகளை பார்ப்பதற்கும் தான் தகுதியானவர் என்று அவர்களை அடிமைத்தனமாக வைத்திருக்கக் கூடியவர்.

பல படங்களில் வில்லன், குணச்சித்திர கதாபாத்திரங்களில் நடித்திருந்தாலும் கூட எதிர்நீச்சல் சீரியல் மூலம் அனைவரின் மனதுக்கும் நெருக்கமாகி யிருக்கிறார் மாரிமுத்து. 

இந்நிலையில் தற்போது எதிர்நீச்சல் சீரியலில் அவரது சம்பளம் குறித்த தகவல் இணையத்தில் வெளியாகியுள்ளது. அதாவது இந்த சீரியலில் நடிக்க அவருக்கு மாதத்துக்கு 75 லட்சம் சம்பளம் வழங்கப் படுகிறதாம். 

அதோடு எதிர்நீச்சல் சீரியலில் நடிக்கும் மற்றவர்களை விட மாரிமுத்துவுக்கு தான் அதிக சம்பளம் தரப்படுகிறதாம். 

சின்னத் திரையில் முதன் முதலாக ஒரு வில்லனுக்கு அதுவும் ஆணாதிக்கம் பிடித்த ஒரு கேரக்டருக்கு இவ்வளவு சம்பளம் என்பது ரொம்பவே வியப்பாக இருக்கிறது. 

இது அத்தனைக்கும் காரணம் இவருடைய எதார்த்தமான நடிப்பும், தைரியமான பேச்சும் தான். மேலும் இவருக்காக தான் நாடகமே பார்க்கிறோம் என்று சொல்லக் கூடிய அளவிற்கு மக்கள் நாயகனாக சீரியலில் ஜொலித்துக் கொண்டு வருகிறார்.