ஜிம்பாப்வே கிரிக்கெட் அணியின் ஜாம்பவான் ஆல்ரவுண்டரும் முன்னாள் கேப்டனுமான ஹீத் ஸ்ட்ரீக் இன்று அதிகாலை காலமானார். 49 வயதான அவர் புற்றுநோயால் அவதிப்பட்டு வந்தார்.
ஹீத் ஸ்ட்ரீக் - ஜிம்பாப்வே கிரிக்கெட் உலகின் மிக முக்கியப் பெயர். ஆல்ரவுண்டரான அவர் தன் வேகப்பந்து வீச்சால் அந்த அணியின் முக்கிய ஆயுதமாக விளங்கினார்.
பள்ளத்தில் கவிழ இருந்த பேருந்தை யானை காப்பாற்றியதா?
65 டெஸ்ட் போட்டிகளில் 216 விக்கெட்டுகளும், 189 ஒருநாள் போட்டிகளில் 239 விக்கெட்டுகளும் வீழ்த்தி யிருக்கிறார். சர்வதேச அரங்கில் ஜிம்பாப்வே அணிக்காக அதிக விக்கெட்டுகள் வீழ்த்தியது அவர்தான்.
டெஸ்ட் அரங்கில் வேறு எந்த ஜிம்பாப்வே வீரரும் 100 விக்கெட்டுகளுக்கு மேல் வீழ்த்தியது இல்லை. அதே போல் ஒருநாள் போட்டிகளில் யாரும் 150 விக்கெட்டுகளுக்கு மேல் எடுத்ததில்லை.
பந்துவீச்சு மட்டுமல்லாமல் பேட்டிங்கிலும் அசத்தியிருக்கிறார் அவர். டெஸ்ட் போட்டியில் ஒரு சதமும் அடித்திருக்கிறார். ஒருநாள் & டெஸ்ட் போட்டிகளில் மொத்தமாக 24 அரைசதங்கள் அடித்திருக்கிறார்.
அதே ஆண்டு நவம்பர் மாதம் தென்னாப்பிரிக்க அணிக்கான ஒருநாள் தொடரில் முதல் முறையாக தன் தேசிய அணிக்கு விளையாடும் வாய்ப்பு பெற்றார் அவர்.
ஒரு மாதம் கழித்து பாகிஸ்தான் அணிக்கெதிரான டெஸ்ட் தொடரில் இடம் பெற்றார். கராச்சியில் நடந்த முதல் டெஸ்ட் போட்டியில் அறிமுகம் பெற்ற ஸ்ட்ரீக், அந்தப் போட்டியில் ரொம்பவே சிரமப்பட்டார்.
முதல் இன்னிங்ஸில் 29 ஓவர்கள் பந்துவீசியும் அவரால் விக்கெட் எதுவும் வீழ்த்த முடியவில்லை. பேட்டிங்கில் கைகொடுப்பார் என்று நினைத்திருந்த நிலையில் முதல் பந்திலேயே டக் அவுட் ஆகி வெளியேறினார்.
இரண்டாவது இன்னிங்ஸில் 10 ஓவர்கள் வீசினார். இந்த முறையும் அவரால் தன் விக்கெட் கணக்கைத் தொடங்க முடியவில்லை.
அறிமுகம் மிகவும் கடினமாக இருந்திருந்தாலும், இரண்டாவது போட்டியில் தன் திறமையை கிரிக்கெட் உலகத்துக்கு நிரூபித்தார் அவர். பாகிஸ்தான் கிரிக்கெட் ஜாம்பவான் ஆமிர் சொஹைல் ஸ்ட்ரீக்கின் முதல் டெஸ்ட் விக்கெட்டாக அமைந்தார்.
முதல் இன்னிங்ஸில் 3 விக்கெட்டுகள் வீழ்த்திய அவர், இரண்டாவது இன்னிங்ஸில் 5 விக்கெட்டுகள் வீழ்த்தி அசத்தினார்.
விண்வெளி செல்பவர்கள் தெரிந்து கொள்ள வேண்டிய விஷயங்கள் !
அசுர வேகத்தில் கிரிக்கெட் அரங்கில் வளர்ச்சியடைந்தார் ஸ்ட்ரீக். 1995/96 சீசனில் நடந்த லோகன் கோப்பை போட்டியில் மடபெலாலேண்ட் அணிக்காக தன் தந்தையோடு இணைந்து விளையாடினார்.
கிட்டத்தட்ட சுமார் 30 ஆண்டுகள் கழித்து தந்தை மகன் இருவரும் ஒரே போட்டியில் விளையாடிய நிகழ்வு நடந்தேறியது.
தொடர்ந்து சர்வதேச அரங்கில் வளர்ச்சியடைந்த ஸ்ட்ரீக், 2000ம் ஆண்டு ஜிம்பாப்வே அணிக்கு கேப்டனாக நியமிக்கப் பட்டார்.
அவர் தலைமையில் இந்திய அணியை டெஸ்ட் போட்டியில் வீழ்த்தி சரித்திரம் படைத்தது ஜிம்பாப்வே. கிரிக்கெட் போர்டுனான பிரச்சனைகளால் கேப்டன் பதவியிலிருந்து 2001ல் அவர் நீக்கப்பட்டார்.
ஆனால் மீண்டும் 2002ம் ஆண்டு அவர் கேப்டனாக்கப் பட்டார். அவர் தலைமையில் 2000 ஐசிசி நாக் அவுட் டிராபி, 2002 சாம்பியன்ஸ் டிராபி, 2003 உலகக் கோப்பை என மூன்று பெரிய தொடர்களில் பங்கேற்ற ஜிம்பாப்வே, 2003 உலகக் கோப்பையில் சூப்பர் 6 சுற்று வரை முன்னேறியது.
தன் ஓய்வுக்குப் பிறகு இந்தியன் கிரிக்கெட் லீக் உள்பட பல டி20 போட்டிகளில் விளையாடிய அவர், 2007ல் அனைத்து வகையான கிரிக்கெட் போட்டிகளி லிருந்தும் ஓய்வு பெற்றார்.
ஜிம்பாப்வே, வங்கதேசம், ஸ்காட்லாந்து போன்ற தேசிய அணிகளுடன் பயிற்சியாளர், பௌலிங் பயிற்சியாளர் உள்ளிட்ட பொறுப்புகளில் பணியாற்றிய அவர், ஐபிஎல் அரங்கில் கொல்கத்தா நைட் ரைடர்ஸ், குஜராத் லயன்ஸ் அணிகளுடனும் வேலை செய்திருக்கிறார்.
சமீபத்தில் 2021ம் ஆண்டு கூட சூதாட்டத்துக்குத் துணை போனதற்காக அவரை சர்வதேச கிரிக்கெட் கவுன்சில் 8 ஆண்டுகளுக்கு தடை செய்தது. இந்நிலையில் கடந்த மே மாதம், ஹீத் ஸ்ட்ரீக் உடல் நலத்தில் கோளாறு ஏற்பட்டிருப்பதாக தெரிய வந்தது.
பேஸ்புக் பதிவால் ஐந்து பேரின் பாஸ்போர்ட்டை ரத்துசெய்யும் மத்திய அரசு !
அவருக்கு புற்றுநோய் இருப்பதாகவும், அது கடைசி கட்டத்தை அடைந்து விட்டதால் அவர் உயிருக்குப் போராடிக் கொண்டிருப்பதாகவும் தெரிய வந்தது.
தொடர்ந்து உயிருக்குப் போராடிய அவர் இந்திய நேரப்படி ஆகஸ்ட் 23 அதிகாலையில் மரணமடைந்தார். அவர் இறப்புக்கு ஜிம்பாப்வே கிரிக்கெட் வீரர்கள் மட்டுமல்லாமல் ஒட்டு மொத்த உலகமும் இரங்கல் தெரிவித்து வருகிறது.
Thanks for Your Comments