தோனியின் முதல் காதல் சோகம்? கலங்க வைக்கும் தகவல் !

இந்திய கிரிக்கெட் அணியில் அசைக்க முடியாத நம்பிக்கை நட்சத்திரமாக தோனி. ஹெலிகாப்டர் ஷாட்டுக்கு பெயர் போன தோனி குறித்து ரசிகர்கள் அறியாதது ஒன்றுமில்லை. 

போட்டி நேரத்தில் இக்கட்டான சூழலிலும் நிதானமாக இருந்து போட்டியை வெற்றி நோக்கி நகர்த்தி விடும் திறமை பெற்றவர். கேப்டன் கூல் என்றே ரசிகர்கள் அவரை அழைத்து வருகின்றனர். 

மைக்ரோவேவில் எந்த மாதிரியான பாத்திரம் பயன்படுத்தலாம்?

3 வித போட்டித் தொடர்களில் இந்திய அணிக்கு கோப்பைகளைப் பெற்று தந்தவர். தற்போது இந்திய அளவில் அதிக சொத்துகளை வைத்திருக்கு விளையாட்டு வீரராகவும் அறியப்படுகிறார்.

இந்நிலையில் தோனியின் வாழ்க்கை வரலாறு திரைப்படமாக எடுக்கப்பட்டு இருந்ததையும் அதில் மறைந்த நடிகர் சுஷாந்த் சிங் நடித்திருந்ததும் ரசிகர்கள் அறிந்தது தான். 

அந்த திரைப்படத்தில் தோனி இந்திய அணிக்கு தேர்வாகும் முன்னரே ஒரு இளம் பெண்ணுடன் காதலில் இருப்பது போன்ற காட்சிகள் இடம் பெற்றிருக்கும். 

இதைப் பார்த்த பெரும்பாலான ரசிகர்கள் ஏதோ படத்திற்காக எடுக்கப்பட்டது என்றுதான் நினைத்து வருகின்றனர். காரணம் தோனி தன்னுடைய கல்லூரி தோழியான சாக்ஷியை காதலித்து திருமணம் செய்து கொண்டிருக்கிறார்.

ஆனால் உண்மையில் இந்திய அணிக்காக அவர் தேர்வு செய்யப் படுவதற்கு முன்பு அவருக்கு ஒரு காதல் இருந்து இருக்கிறது. அதன் மூலம் தீராத வலியை தோனி உணர்ந்திருக்கிறார். 

அது குறித்த தகவல்கள்தான் தற்போது இணையத்தில் வைரலாகி வருகின்றன. கடந்த 2002- 2003 வாக்கில் தோனி பிரியங்கா ஜா என்பவரை காதலித்து இருக்கிறார். 

தோனியை முழுமையாக அறிந்த அவர் சந்திக்கும் போதெல்லாம் தோனிக்கு பக்கபலமாக இருந்து வந்துள்ளார். 

திருமணம் செய்து கொண்டால் பிரியங்காவுடன் தான் என்று தோனி முடிவு செய்த நிலையில் 2004 ஜிம்பாப்வேயில் நடைபெற்ற முத்தரப்பு போட்டிகளுக்கான இந்திய அணியில் இடம் பெற்று 

விக்கெட் கீப்பராக 4 ஸ்டம்பிங் மற்றும் 6 இன்னிங்ஸில் விளையாடி 362 ரன்களை குவித்து கங்குலியின் கவனத்தை ஈர்த்து இந்திய அணிக்குள் இடம் பிடித்திருக்கிறார்.

தைராய்டால் பாதிக்கப்படும் முக்கிய 4 உறுப்புகள் தெரியுமா?

அதே நேரத்தில் இந்தியாவில் பிரியங்கா ஜா விதியின் வசத்தால் ஒரு சாலை விபத்தில் உயிரிழந்துள்ளார். இந்தச் சம்பவம் நடந்த போது தோனி வெளிநாட்டில் விளையாடிக் கொண்டிருந்ததாகக் கூறப்படுகிறது. 

இந்நிலையில் தோனி திரும்ப இந்தியா வந்த போது பிரியங்கா இறந்த செய்தியைக் கேட்டு சாலைகளில் அழுது புலம்பியதாக அவருடைய நெருங்கிய நண்பர் ஒருவர் குறிப்பிட்டுள்ளார்.

தான் விரும்பிய கிரிக்கெட் வாழ்க்கையில் வெற்றிப் பெற்ற தோனி தான் விரும்பிய பெண் உயிருடன் இல்லை என்று வருந்தியிருக்கிறார். 

இதையடுத்து முழுவதும் விளையாட்டில் மட்டுமே கவனம் செலுத்திவந்த அவருக்கு முதல் காதலில் இருந்து வெளிவருவதற்கே நீண்ட நாட்கள் எடுத்திருக்கிறது. 

அந்த வகையில் 7 வருடங்களுக்குப் பிறகு சாக்ஷியை சந்தித்து அவர் காதல் ஏற்பட்டு திருமணம் செய்து கொண்டுள்ளார். தோனியின் மகிழ்ச்சிக்குப் பின்னால் இப்படியொரு சோகக்கதை ஒளிந்திருக்கிறது. 

சாப்பிட்ட சில நேரத்திலேயே எதுக்களிப்புத் தொந்தரவு இருக்கிறதா? #Reflux

உண்மையில் நடைபெற்ற இந்தக் காட்சி தான் படத்திலும் காட்டப்பட்டு இருக்கிறது. 

ஆனால் ரசிகர்களுக்கு உண்மையா என்று தெரியாமல் இருந்து வந்த நிலையில் தோனியின் முதல் காதல் குறித்த தகவல் தற்போது இணையத்தில் கவனம் பெற்று அது வைரலாகி வருவதும் குறிப்பிடத்தக்கது.