சிறுவனை கார் ஏற்றி கொலை செய்த உறவினர்.. கேரளாவில் ஷாக் !

கேரளாவில் சில தினங்களுக்கு முன்பு விபத்தில் உயிரிழந்தததாக கருதப்பட்ட சிறுவன், தனது உறவினர் ஒருவரால் கார் ஏற்றி கொலை செய்யப் பட்டிருப்பது தெரிய வந்துள்ளது. 

சில மாதங்களுக்கு முன் தனது மனைவி மற்றும் குடும்பத்தினர் எதிரே தன்னை அவமானப் படுத்திய ஆத்திரத்தில் சிறுவனை அந்தக் கொடூரன் கொலை செய்திருப்பது போலீஸ் விசாரணையில் தெரிய வந்திருக்கிறது.

ஒரு காலத்தில் இயற்கையின் பேரழகுக்காக பெயர் போன கேரளா, சமீபகாலமாக வித்தியாசமான விசித்திரமான கொலை சம்பவங்களுக்கு பெயர் பெற்று வருகிறது.

தற்போது ஒரு பயங்கர சம்பவம் கேரளாவில் நடந்திருக்கிறது. கேரள மாநிலம் திருவனந்தபுரத்தில் உள்ள பூவாச்சல் பகுதியைச் சேர்ந்தவன் ஆதிசேகர் (15). இவன் அங்குள்ள பள்ளியில் 10-ம் வகுப்பு படித்து வருகிறார். 

குழந்தைகளுக்கு கூஸ்கூஸ் கேக் செய்வது எப்படி?

இவன் கடந்த 30-ம் தேதி காலை சைக்கிளில் கடைக்கு சென்ற போது கார் மோதி உயிரிழந்தான். இந்த சம்பவம் தொடர்பாக விசாரித்த போலீஸார், இதனை விபத்து வழக்காக பதிவு செய்தனர்.

சிறுவனின் உடல் தகனமும் செய்யப்பட்டு விட்டது. இந்நிலையில், இரு தினங்களுக்கு முன்பு போலீஸார் விபத்து நடந்த வழியாக வந்துள்ளனர். அப்போது தான் போலீஸாருக்கு ஒரு விஷயம் தெரியவந்தது. 

மிகவும் குறுகலாக இருக்கும் இந்த சாலையில் எப்படி கார் வேகமாக வந்து சைக்கிளில் மோதி இருக்கும் என சந்தேகம் வந்தது. 

(nextPage)

சிசிடிவி காட்சி

இதையடுத்து, அந்த இடத்தில் சோதனை செய்த போது அங்கு ஒரே ஒரு வீட்டு மாடியில் சிசிடிவி கேமரா இருப்பது தெரிய வந்தது. இதனைத் தொடர்ந்து, அந்த சிசிடிவி கேமரா காட்சிகளை போலீஸார் ஆய்வு செய்தனர். 

அப்போது அதில் பதிவான காட்சியை பார்த்து போலீஸாரே மிரண்டு விட்டனர். ஏனெனில், சிறுவன் வரும் வரை அங்கு காத்திருந்த கார், பின்னர் அவன் வந்ததும் அவனை பின்தொடர்ந்து சென்று இடித்துள்ளது. 

இதில் சிறுவன் கீழே விழுந்த பிறகு ரிவர்சில் வந்த கார் மீண்டும் அவன் மீது ஏறியது. இதில் தான் சிறுவன் உடல் நசுங்கி உயிரிழந்து இருக்கிறான்.

பின்னர் நடந்த விசாரணையில், அந்த கார் சிறுவனின் உறவினரான பிரியரஞ்சன் (35) என்பவரின் கார் என்பது தெரிய வந்தது. விபத்தில் உயிரிழந்த ஆதி சேகரை எதுவுமே தெரியாதது போல பிரியரஞ்சனே மருத்துவமனையில் அனுமதித்துள்ளான். 

பின்னர் அவனது இறுதிச்சடங்கிலும் பிரியரஞ்சன் கலந்து கொண்டுள்ளான். பின்னர் பிரியரஞ்சனை பிடிக்க போலீஸார் சென்ற போது அவன் தலைமறைவாகி இருப்பது தெரிய வந்தது. 

தண்டுவடம் பாதித்தால் என்ன நடக்கும்?

இது குறித்து போலீஸார் சிறுவனின் பெற்றோரிடம் விசாரித்துள்ளனர். அப்போது அவர்கள் ஒரு விஷயத்தை கூறியுள்ளனர். மூன்று மாதங்களுக்கு முன்பு அங்குள்ள ஒரு கோயிலின் சுவற்றில் பிரியரஞ்சன் சிறுநீர் கழித்துள்ளார். 

இதை பார்த்த சிறுவன் ஆதி சேகர், அடுத்த நாள் பிரியரஞ்சன் தனது மனைவி குடும்பத்தினருடன் வெளியே சென்ற போது, அவரை பார்த்து இவ்வளவு பெரிய ஆளாக வளர்ந்துட்டு கோயில் சுவரை அசிங்கப் படுத்துகிறாயே என திட்டியதாக தெரிகிறது. 

ஆதி சேகரின் இந்த செயல் பிரியரஞ்சனுக்கு மிகுந்த அவமானத்தை ஏற்படுத்தி இருக்கிறது. இதனால் ஆதிசேகரை பழி வாங்கும் நோக்கத்தில் அவனை திட்டமிட்டு பிரியரஞ்சன் கொலை செய்திருப்பது போலீஸாருக்கு தெரிய வந்துள்ளது. 

இதையடுத்து, பிரியரஞ்சனை பிடிக்க 3 தனிப்படைகளை காவல்துறை அமைத்திருக்கிறது. 

எல்லோருக்கும் முன்பு தன்னை அவமானப் படுத்திய சிறுவனை மூன்று மாதங்கள் கழித்து உறவினரே தீர்த்துக் கட்டிய சம்பவம் கேரளாவில் அதிர்ச்சியை ஏற்படுத்தி யுள்ளது.