தமிழ் சினிமாவில் இப்போது நம்பர் 1 இசையமைப்பாளராக இருக்கும் அனிருத் இன்று தனது 33ஆவது பிறந்தநாளை கொண்டாடி வருகிறார். தனுஷ் நடித்த 3 படத்தின் மூலம் இசையமைப்பாளராக அறிமுகமானவர் அனிருத்.
.jpg "இந்த வயதில் இவ்வளவு சொத்தா.. அனிருத் சொத்து மதிப்பு?")
இதனையடுத்து இன்னும் பல வருடங்களுக்கு அனிருத்தின் ஆட்சி தான் கோலிவுட்டில் நடக்கப் போவதாக உறுதிபட கூறினார்கள். அதனை உறுதிப் படுத்தும் விதமாக அனிருத்துக்கு அடுத்தடுத்து பட வாய்ப்புகள் குவிந்தன.
அவர் இசையமைத்த அத்தனை படங்களின் பாடல்களும் அதிரிபுதிரி ஹிட்டடித்தன.
90களில் ஏ.ஆர்.ரஹ்மான் இசையமைக்க வந்த போது எந்த மாதிரியான அதிர்வை தமிழ் சினிமா கண்டதோ அதே போல் அனிருத் வருகையின் போதும் இருந்ததாக பலர் வியந்தபடி சொன்னது குறிப்பிடத்தக்கது.
ஒரு கட்டத்தில் அனிருத் இசை இல்லாமல் படங்கள் இல்லை என்ற நிலை உருவாகி விட்டது. விஜய், ரஜினி போன்ற முன்னணி ஹீரோக்களே அனிருத்தின் இசை இருந்தால் நன்றாக இருக்கும் என்று எண்ணுவதாகவும் கூறப்படுகிறது.
அனிருத்தின் இசையில் கடைசியாக ஜெயிலர், ஜவான் ஆகிய படங்கள் வெளியாகின. அதனைத் தொடர்ந்து 19ஆம் தேதி லியோ படம் ரிலீஸாக விருக்கிறது.
மேலும் ரஜினியின் அடுத்த படமான தலைவர் 171 படத்திற்கும் இசையமைத் திருக்கிறார். சொல்லப்போனால் மாதத்துக்கு ஒரு படம் அவரது இசையமைப்பில் வெளியாகி வருவது குறிப்பிடத்தக்கது.
ஜவான் படத்தின் பாடல்களும் ஹிட்டடித்திருப்பதால் தொடர்ந்து ஹிந்தியிலும் அவருக்கு வாய்ப்புகள் அமையும் என எதிர்பார்க்கப் படுகிறது.
தைராய்டால் பாதிக்கப்படும் முக்கிய 4 உறுப்புகள் தெரியுமா?
இந்நிலையில் அனிருத் இன்று தனது 33ஆவது பிறந்தநாளை கொண்டாடுகிறார். அவருக்கு பலரும் தங்களது வாழ்த்துக்களை தெரிவித்து வருகின்றனர்.
அனிருத்தின் சொத்து மதிப்பு தகவல் பலரையும் மலைக்க வைத்திருக்கிறது. அதாவது அவருக்கு மொத்தம் 50 கோடி ரூபாயிலிருந்து 60 கோடி ரூபாய்வரை சொத்து இருக்கலாம் என கூறப்படுகிறது.
ஒரு படத்துக்கு அவர் பத்து கோடி ரூபாய் சம்பளம் வாங்குவதாகவும் இந்த சம்பளம் ஆஸ்கர் நாயகன் ஏ.ஆர்.ரஹ்மான் வாங்கும் சம்பளத்தை விட அதிகம் என்றும் ஒரு தகவல் உலாவுவது கவனிக்கத் தக்கது.
Thanks for Your Comments